Kryeministri i Kosovës, Albin Kurti, ka deklaruar se po i vazhdojnë përpjekjet për të siguruar një zgjidhje sa më të shpejtë dhe të suksesshme për zgjedhjen e presidentit të Kosovës.
Ai theksoi se procesi kërkon një kandidat apo kandidate që arrin të sigurojë mbështetjen e 80 deputetëve në Kuvend.
“Po i vazhdojmë përpjekjet për ta përmbyllur me sukses edhe sfidën e zgjedhjes së presidentit. Na duhet kandidati apo kandidatja që i siguron 80 vota në sallë. Pas takimit me kryetarin e PDK-së Bedri Hamzën, po takohemi edhe me kryetarin e LDK gjithçka brenda fare pak ditësh do të merret vesh”, tha Kurti.
Kështu tha ai pak para takimit me kryetarin e LDK-së, Lumir Abdixhiku.
Data e fundit për zgjedhjet e presidentit është 4 mars, përndryshe sipas afateve kushtetuese, vendi mund të shkojë në zgjedhje të jashtëzakonshme. /teve1.info/
