Kryeministri, Albin Kurti ka thënë se ka pritur sot në takim ambasadorët e akredituar të shteteve të QUINT-it në Kosovë, për t’i informuar ata për më të rejat e fundit mbi dialogun.
Kurti tha se ka shprehur mirënjohjen për BE-në dhe SHBA-në për përpjekjet e tyre për të rikthyer dialogun në rrugën e duhur pas sulmit terrorist të 24 shtatorit.
Tutje ai ka thënë se nëse do të ishte vetëm në dorën e Kosovës, do të kishim arritur një marrëveshje dhe tashmë do të ishim në proces të zbatimit të saj, por Serbia vazhdon të refuzojë.
“Sot u takova me ambasadorët e akredituar në Kosovë për t’iu ofruar atyre të rejat më të fundit mbi dialogun, siç është praktikë e zakonshme. Fillova duke shprehur mirënjohjen për BE-në dhe SHBA-në për përpjekjet e tyre për të rikthyer dialogun në rrugën e duhur pas sulmit terrorist të 24 shtatorit.
Theksova gjithashtu se nëse do të ishte vetëm në dorën e Kosovës, ne do të kishim arritur një marrëveshje dhe tashmë do të ishim në proces të zbatimit të saj. Kosova është ende e gatshme të nënshkruajë Marrëveshjen Themelore, Aneksin Zbatues dhe draftin e 21 tetorit. Serbia vazhdon të refuzojë”, ka shkruar Kurti në X.
Ndryshe, sot Kurti ka mbajtur takim të paparalajmëruar me ambasadorët e akredituar të shteteve të QUINT-it.
Ky është takimi i parë i kryeministrit Kurti me ambasadorët e akredituar pas takimit që pati javën e kaluar në Bruksel me kancelarin gjerman, Scholz, presidentin francez Macron dhe kryeministren italiane, Meloni.
Today, I met with accredited ambassadors in Kosova to provide them with the latest updates on the dialogue, as is our customary practice. I began by expressing gratitude to the EU and the U.S. for their efforts to get the dialogue back on track after the Sept 24 terrorist attack. pic.twitter.com/atsdLuqG8D
— Albin Kurti (@albinkurti) October 30, 2023
