Kurti thotë se profesor Agani rezulton të jetë një nga figurat më profilin më shumëdimensional në historinë politike të Kosovës.
“Ai ishte njeriu i cili pati kurajo që më 30 dhjetor 1991, kur policia serbe për herë të parë sulmoi familjen Jashari në Prekaz dhe arrestoi edhe Shaban Jasharin, shkoi të ndërmjetësonte me policinë për ta hequr rrethimin. I diplomuar në filozofi, i magjistruar në shkenca politike dhe i doktoruar në sociologji, Profesor Fehmi Agani (1932 – 1999), rezulton të jetë një nga figurat me profilin më shumëdimensional në historinë tonë politike. Kudo dhe kurdo që veproi, Profesor Agani ruajti autenticitetin e mendimit të tij politik, duke e përshtatur dhe përshfaqur atë në përputhje me rrethanat historike dhe kërkesat e kohës”, ka shkruar ai në një postim në Facebook.
Po ashtu, Kurti ka thënë se teksa përkujtojnë jetën dhe veprimtarinë e Aganit, ritheksojnë përkushtimin e institucioneve të Kosovës, për të zbardhur para drejtësisë dhe historisë, krimet e Serbisë të kryera në Kosovë, siç është edhe vrasja e Fehmi Aganit. /teve1.info/
Postimi i plotë:
