Kurti ka thënë se kjo është një vrasje mizore. Ai ka thënë se edhe një grua u vra nga burri i saj.
Kryeministri përmes një postimi në Facebook ka thënë se bashkë me gruan u shua edhe një jetë, një foshnje e cila nuk lindi.
“Dy engjëj në qiellin e pistë. Vrasje mizore. U vra edhe një grua. Edhe kjo nga burri i saj. Në oborr të spitalit. Atje ku duhet të shërohen njerëzit. Në oborr të Klinikës Gjinekologjike. Atje ku lindin gratë. U shua një jetë që po sillte edhe një jetë tjetër. Gruaja ishte shtatzënë. Rreth 35 vjeç, as në gjysmë të jetës së saj. E fëmija që ajo donte ta lindte as nuk e filloi jetën. Vrasës mizor. Edhe një burrë që qëllon mbi gruan që duhej ta mbronte. Edhe një burrë që vret një grua. E cila tash është e jona, e të gjithë neve. Bashkë me foshnjën e palindur të saj. Dy qytetarë të Kosovës më pak, dy shqiptarë më pak, do të jenë duke menduar armiqtë tanë. E papranueshme dhe e padurueshme”, ka shkruar Kurti.
https://teve1.info/lajmet/2gruaja-e-vrare-ne-oborrin-e-qkuk-se-ishte-35-vjecare-policia-jep-detaje/
