Kryeministri, Albin Kurti ka thënë se vdekja e udhëheqësi i opozitës ruse, Alexei Navalny është thirrje për të gjithë për të parë autoritarizmin ashtu siç është.
Ai tha se lajmin për vdekjen e Navalny e ka kuptuar nga bashkëshortja e të ndjerit.
“Vdekja e raportuar e Navalnyt është një thirrje për të gjithë për të parë autoritarizmin ashtu siç është, një gatishmëri për të vrarë dhe torturuar këdo që kërcënon kontrollin e ngushtë të pushtetit”, shkroi Kurti në X.
Ndryshe, udhëheqësi i opozitës ruse, Alexei Navalny, ka vdekur në burg, ka thënë shërbimi i burgjeve të vendit, në atë që ka të ngjarë të shihet si një vrasje politike që i atribuohet Vladimir Putinit.
Lidhur me këtë kanë reaguar shumë emra të rëndësishëm evropianë dhe botërorë.
Sekretari amerikan i Shtetit, Antony Blinken, ka thënë se nëse vdekja e Navalny konfirmohet, kjo “vetëm thekson dobësinë dhe kalbjen në zemër të sistemit që Putini ka ndërtuar”.
“Para së gjithash, nëse këto raporte janë të sakta, zemrat tona janë me familjen dhe gruan e tij”, tha ai në konferencën e sigurisë në Mynih, duke shtuar se “Rusia është përgjegjëse” nëse konfirmohet vdekja.
