Kryeministri, Albin Kurti ka thënë për certifikim apo moscertifikim të Listës Serbe nuk ka pasur nevojë për dy votat e anëtarëve të partisë së tij e se ajo nuk mund të fajësohet.
Ai në një konferencë për media tha se askush s’ka mundur të presë qëndrim ndryshe prej VV-së.
“Një subjekt politik që ka fituar më shumë se 50% i ka vetëm dy nga 11 anëtarët e KQZ-së dhe qëndrimi i tyre që është ditur gjithmonë problematizohet, ndonëse për certifikimin e LS nuk kanë pasur nevojë për dy të VV-së sepse ata që e kanë krijuar LS dhe e kanë përkëdhelur në pushtet për shumë vjet, ata tash nuk e mbështetën LS. Prej VV-së nuk kanë pasur askush pritje të tilla, prandaj ne jemi adresa e gabuar për këso lloj diskutimesh”, ka thënë ai.
Sipas tij “ Lista Serbe është pengesa më e madhe për integrimin e vërtetë të serbëve në Kosovë”.
Komisioni Qendror i Zgjedhjeve nuk e ka certifikuar Listën Serbe për pjesëmarrje në zgjedhjet e 9 shkurtit 2025.
Megjithatë, për këtë moscertifikim kanë reaguar ambasada e SHBA-së, ambasadori gjerman e ai britanik si dhe BE-ja duke kërkuar që ky vendim mos të politizohet.
Kurti thotë se mund të ketë sulme të reja në veri para ose pas vitit të ri
