Kryeministri në detyrë i Kosovës, Albin Kurti ka përkujtuar 120 civilët shqiptarë, të vrarë në Qyshk, Zahaq, Pavlan dhe Llabjan të Pejës.
I pari i qeverisë ka thënë se për këto krime të rënda, drejtësia ka qenë sipas tij shumë e ngadaltë.
Ai ka theksuar se krimet e luftës, krimet kundër njerëzimit dhe gjenocidi bashkë me kryerësit dhe urdhërdhënësit e tyre, duhet të marrin dënimin e merituar.
“Për këto krime të rënda, drejtësia ka qenë tepër e ngadaltë. Krimet e luftës, krimet kundër njerëzimit dhe gjenocidi, bashkë me kryerësit dhe urdhërdhënësit e tyre, duhet të marrin dënimin e merituar. Kosova nuk mund të falë e as të harrojë krimet që shteti i Serbisë kreu gjatë luftës në Kosovë. Sepse Serbia e deshi tokën tonë pa neve. Por ne jemi ende këtu, dhe së bashku po e forcojmë Republikën tonë. Po ndërtojmë të ardhmen pa e harruar të kaluarën, që asnjë brez tjetër të mos rrezikojë të përjetojë atë që ne kemi mbijetuar.Sot kujtojmë martirët e Qyshkut, Zahaqit, Pavlanit dhe Llabjanit. Çdo ditë kujtojmë sakrificat e mëdha për çlirim.Lavdi të gjithë të rënëve, martirëve e dëshmorëve të kombit!”, ka shkruar Kurti./teve1.info/
