Kryeministri i vendit, Albin Kurti, ka reaguar për vendimin e Ministrave të Brendshëm të Bashkimit Evropian, të cilët miratuan sot vendimin për liberalizimin e vizave për Kosovën.
Kryeministri thotë që kjo është një hap më afër dhe pritjes po i vjen fundit, raporton teve1.info.
Përmes një postimi në Twitter, Kurti ka shkruar se presin hapat përfundimtarë të Parlamentit Evropian.
One step closer: Pleased by @EUCouncil‘s unanimous decision today in favor of visa-free travel for our citizens. The long wait is coming to an end. We look forward to the upcoming final steps by the European Parliament. pic.twitter.com/ZBRpWKNnIf
— Albin Kurti (@albinkurti) March 9, 2023
Ndërkohë, sipas Qeverisë së Kosovës, hapat e radhës janë miratimi nga Parlamenti Evropian, nënshkrimi dhe publikimi në gazetën zyrtare të BE-së.
“Hapat e rradhës të mbetur janë miratimi nga Parlamenti Evropian, nënshkrimi dhe publikimi në gazetën zyrtare të BE-së. Procedurat e mbetura pritet të përfundohen dhe tejkalohen brenda pjesës së parë të vitit, përpara përfundimit të Presidencës suedeze të Këshillit të BE-së”, thuhet në njoftimin e Qeverisë.
Sipas njoftimit, rregullat e reja do t’i lejojnë mbajtësit e pasaportave të Kosovës të udhëtojnë në BE pa viza për një periudhë qëndrimi prej 90 ditësh në çdo periudhë 180 ditore.
“Qeveria e Republikës së Kosovës falënderon të gjitha shtetet të cilat mbështesin liberalizimin e vizave për Kosovën dhe e konfirmuan këtë dhe në votimin e sotëm, përfshirë vendet mosnjohëse të Kosovës”, thuhet në fund të njoftimit.
Ministrat e Brendshëm të Bashkimit Evropian miratuan sot vendimin për liberalizimin e vizave për Kosovën në takimin e Këshillit të Punëve të Brendshme në Bruksel.
