Kryeministri i vendit, Albin Kurti “ka kritikuar” Bosnje e Hercegovinën për mosmiratimin e lëvizjes vetëm me letërnjoftime me Kosovën.
Kurti thotë se kjo është për keqardhje, teksa theksoi se kjo marrëveshje është me rëndësi për qytetarët e të dyja vendeve, përcjell teve1.info
Sipas tij, pjesa më e vështirë e një marrëveshjeje nuk është dakordimi apo nënshkrimi, por implementimi.
“13 ditë deri në samit do duhet të vëmë re që jo të gjitha vendet në rajon, i kanë ratifikuar këto marrëveshje, dhe është për keqardhje që Bosnja e Hercegovina është përcaktuar që të miratojë vetëm dy nga tre, që nuk përfshin marrëveshjen kyçe për lirinë e lëvizjes. Marrëveshja për lirinë e lëvizjes me letërnjoftime është me rëndësi për qytetarët e të dy vendeve, ngase më në fund do të largojë regjimin e vizave në mes vendeve tona. Nga 1 janari 2024, Kosova do të lëvizë lirshëm në vendet e BE-së, por është ende e pasigurt nëse qytetarët e Bosnjës dhe Kosovës do të mund të udhëtojnë pa viza në vendet e njëri tjetrit. Pjesa më e vështirë është që të arrihet dakordimi për marrëveshje dhe nënshkrimi i marrëveshjes, dhe jo implementimi”, deklaroi kreu i Ekzekutivit në tryezën që po mbahet rreth procesit të Berlinit, të organizuar nga Instituti i Prishtinës për Studime Politike (PIPS).
Kjo marrëveshje është një prej tri marrëveshjeve të arritura në Berlin më 3 nëntor 2022, në kuadër të Procesit të Berlinit.
Bosnje e Hercegovina nuk e ka ratifikuar ende këtë marrvëeshje dhe pavarësisht nënshkrimit të dhënë, Kuvendi i entitetit Republika Serbe, njëkohësisht anëtarja e Presidencës e ka vënë veton kundër.
Samiti i radhës i Berlinit do të mbahet më 16 tetor në Tiranë. /Teve1.info/
