Ai po vazhdon të qëndrojë në këtë resort luksoz në plazhet greke.
Këtu është paralajmëruar pjesëmarrja e tij në dy konferenca.
Por ky qëndrim i gjatë i Kurtit jashtë vendit, i ka rënë në syri opozitës.
Nënkryetarja e PDK-së, Vlora Çitaku, të mërkurën tha se Kurti po i ikë përgjegjësisë së qeverisjes së vendit.
“Nga njoftimet publike të qeverisë, vetëm gjatë tre muajve të fundit, kryeministri Kurti ka qëndruar 45 ditë jashtë Kosovës, por, pa sjell asnjë sukses të vetëm nga këto vizita të stërzgjatura dhe tërësisht atipike për një Kryeministër në detyrë. Gjysmën e kohës në 100 ditët e fundit, kryeministri Kurti e ka kaluar jashtë Kosovës”, tha ajo.
E vizita e Kurtit në Greqi, është arsyetuar nga Qeveria e Kosovës.
“Sivjet është viti i pestë me radhë që kryeministri Kurti merr pjesë në Simpoziumin Symi, ku të pranishëm janë politikanë progresistë e akademikë të shquar nga mbarë bota. Sikur herave të kaluara edhe këtë vit shpenzimet e akomodimit mbulohen nga organizatori”, tha zëdhënës i Qeverisë, Përparim Kryeziu.
Por, ky nuk është udhëtimi i vetëm i kryeministrit jashtë vendit në këtë mandat.
Kurti për 3 javë qëndroi në Shtetet e Bashkuara të Amerikës.
E këtë vizitë, e lidhi me një tjetër, e që ishte pjesëmarrja në forumin ekonomik “Davos” në Zvicër.
Ndërkohë kur kanë kaluar mbi një muaj nga këto vizita, analistët thonë se këto udhëtime nuk e dhanë rezultatin e duhur.
Fetoshi tutje ka thënë që simpoziumi nuk ka aq rëndësi sa kanë takimet e kryeministrit me pjesëmarrësit e kësaj ngjarje në Greqi.
Raporti gazetarit Fidan Zejnullahu.
