Kryeministri në detyrë, Albin Kurti dhe kryetari i LVV-së ka thënë se takimi me LDK-në ishte konstruktiv.
Kurti tha se pa një vullnet te LDK për të arritur marrëveshje për presidentin.
“E pash vullnetin e LDK-së që vendit t’ia sjellim një president të ri. Që nuk ka nevojë për zgjedhje të reja, të sigurojmë funksione demokratike të shtetit”, tha Kurti pas takimit me Abdixhikun.
Ai ka thënë se kanë shqyrtuar kriteret për presidentin gjatë diskutimeve.
Por, Kurti ka bërë të ditur se do të takohen përsëri me Abdixhikun, pas takimeve të brendshme që do t’i zhvillojnë të dy palët.
“Është vendim tepër i rëndësishëm dhe i ndjeshëm dhe normal pas këtij takimi është e nevojshme të kthehemi tek subjektet tona përkatëse politike, në mënyrë që të zhvillojmë konsultime të brendshme të ritakohemi që të merremi vesh”, u shpreh Kurti, raporton teve1.info.
Ai ka thënë se mbetët optimist pasi sipas tij ka mirëbesim e vullnet nga dy palët.
