Kryeministri në detyrë, Albin Kurti është deklaruar për media pas takimit që pati me presidenten Vjosa Osmani.
Nga takimi që zgjati më shumë se dy orë, Kurti tha se pati diskutime se si të konstituohet Kuvendi në javën e fundit të korrikut.
Ai tha se për konstituimin e legjislaturës së nëntë do të bëjnë çmos që të bëhet në frymën e bashkëpunimit.
“Në javën e fundit të korrikut duhet që ta kemi konstituimin e legjislaturës së nëntë, do të bëjmë çmos që në frymën e bashkëpunimit me konsultime të dendura… Diskutuam gjerë e gjatë, i përmendëm të gjitha elementet përbërëse dhe tash presidentja do të ketë takime edhe me liderët e partive”, deklaroi Kurti para gazetarëve.
Kurti tha se duhet pritur edhe “përparimet” që do të ndodhin pas takimit të presidentes me liderët e partive.
“Besoj duhet t’i japim shans edhe takimeve të tjera, e më pas të shohim cili është progresi”, u shpreh ai./teve1.info/
