Kurti në konferencën për media ka thënë se sot janë bërë dy javë që janë vendosur barrikadat dhe po e pengojnë lirinë e lëvizjes, teksa thotë se i kanë dhënë kohë KFOR-it pët këtë.
Sipas tij, barrikadat nuk janë barrikada civile, raporton Teve1.info
“Ne i kemi dhënë pak kohë, sot janë bërë dy javë që janë vendosur barrikadat dhe ato janë duke penguar lirinë e lëvizës. KFOR-i gjithmonë është zotuar për ambient të qetë. Liria e lëvizjes ka qenë vlera kryesore të cilën e ka afirmuar KFOR-i në këto 23 vjet. Ne i kemi dhënë kohë KFOR-it pikërisht se liria e lëvizjes është konsideruar. Lirinë e lëvizjes nuk e kemi, nuk janë barrikada civile, janë barrikada të njerëzve të uniformuar”, ka deklaruar Kurti.
Shefi i ekzekutivit të Qeverisë për barrikadat tha se nuk mund të tolerohen pafundësisht.
Ai shton se nuk mund të lejojnë të kalojnë edhe dy javë të tjera në pengimin e lirisë së lëvizjes.
“Meqë sonte është Krishtlindja dhe ne do të kemi pas Krishtlindjes një takim me komandantin e KFOR-it po kjo nuk mund të tolerohet pafundësisht. Tashmë u bën dy javë dhe ne nuk mund të lejojmë që edhe javë tjera të kalojnë e të mos kemi lirinë e lëvizjes. Nga ai takim që presim të kemi me komandantin e KFOR-it menjëherë pas krishtlindjes besoj do të sqarohet gjithçka dhe do të japim përgjigje”, tha Kurti. /Teve1.info/
