Kryeministri në detyrë i Kosovës, Albin Kurti nuk ka folur nëse do ta dërgojnë te presidentja emrin për mandatarin e Qeverisë.
Ai të martën i pyetur nga gazetarët për këtë në Suharekë, ku mori pjesë në ceremoninë e fillimit të punimeve për ndërtimin e stadiumit të qytetit.
“Ato janë gjëra të Prishtinës, atje i diskutojmë ato. Këtu jemi në investimin për stadiumin e futbollit në Suharekë”, tha Kurti.
Nënkryetarja e Kuvendit nga radhët e Vetëvendosjes, Albulena Haxhiu ka thënë se do ta dërgojnë emrin e mandatarit për kryeministër pas mbledhjes së Këshillit të Përgjithshëm i cili sipas saj do të mbahet së shpejti.
Ndërsa, nga presidenca kanë bërë të ditur se kanë nisur analizimin për konstituimin e Kuvendit.
Kryetari i Kuvendit, Dimal Basha të shtunën e ka shpallur të konstituuar Kuvendit, ani pse nuk është zgjedhur nënkryetari nga komuniteti serb.
Ai ka thënë se pika e katërt që është zgjedhja e nënkryetarëve është ezuruar. Ndërsa, asnjë nga deputetët e Listës Serbe, por as Nenad Rashiq nuk kanë marrë votat e mjaftueshme për tu zgjedhur nënkryetar të Kuvendit.
Edhe njohës të Kushtetutës kanë dhënë interpretime të ndryshme nëse Kuvendi është konstituuar.
