Kryeministri në detyrë, Albin Kurti, nuk ka dhënë asnjë koment një ditë para seancës në të cilën do të jetë në rend dite votimi i Qeverisë Kurti -III.
Ai të shtunën nuk i është përgjigjur pyetjeve të gazetarëve për pritjen në seancën e së dielës dhe nëse i ka votat e mjaftueshme.
Kurti, derisa Kuvendi nuk ishte i konstituuar vazhdimisht kishte thënë se i ka votat për formimin e Qeverisë. Por, javën e kaluar nga Lodra tha se ky proces është i vështirë, duke akuzuar opozitën se nuk po dëshiron bashkëpunim.
Ai kishte thënë se ka shumë inate e përçarje.
Por, të premten, deputetja nga Grupi Parlamentar i LVV-së, Mimoz Kusari – Lila, në Tëvë1 tha se nuk i kanë votat, por që janë duke bërë përpjekje deri në momentin e fundit.
Seanca për votimin e Qeverisë do të mbahet të dielën nga ora 10:00.
