Kryeministri i vendit, Albin Kurti, ka thënë se normalizimi i marrëdhënieve Kosovë-Serbi arrihet përmes njohjes së ndërsjellët.
Këto deklarata Kurti i bëri në Forumin Ekonomik që po mbahet në Shkup. Në këtë takim ai ka thënë se edhe presidenti amerikan, Joe Biden dhe kancelari gjerman, Scholz, e kanë përmendur njohjen e ndërsjelltë.
“Përkundër se jemi vend normal, marrëdhëniet tona me Serbinë tona nuk janë normale dhe duhet t’i normalizojmë dhe normalizimi mund të bëhet me njohje të ndërsjelltë, kjo është thënë edhe nga presidenti Biden, sekretari Blinken, kancelari Sholz”, ka thënë Kurti.
Në këtë forum kryeministri ka folur edhe për luftën në Ukrainë, ku ka thënë se ka ndikuar që në Kosovë të ketë inflacion të lartë.
“Inflacioni i lartë dhe gjendja energjetike lidhet direkt me agresionin rus”, ka thënë i pari i vendit.
