Ai tha se opozitës i ka dhënë të gjitha informatat e nevojshme sa i përket procesit të dialogut në Bruksel.
“Ngelemi të përkushtuar për kornizën e marrëveshjes ligjërisht të obligueshme e cila sjell normalizim të plotë me në qendër njohjen reciproke. I diskutuam edhe detajet e dialogut dhe besoj që është një bashkëpunim i shtuar që jep shpesë edhe për më shumë komunikim të ndërsjellët në mes të qeverisë dhe opozitës. Unë besoj që informacion që është i rëndësishëm nuk ka që është mbajtur prej nesh dhe se krejt çfarë është relevante tashmë është ndarë me ta”, tha Kurti.
Kurti tha se nga 1 shtatori do të filloj së zbatuari reciprociteti me dokumente ku qytetari i Kosovës do të mund të hyj në Serbi me letërnjoftim të Kosovës e ai i Serbisë me letërnjoftim të Serbisë.
“Sa i përket 1 shtatorit, vazhdon fushata e ndërrimit të targave nga ato që i ka lënë Millosheviqi tek ato që janë legale dhe kjo vazhdon deri më datën 31 tetor dhe gjithë komunitetin serb në Kosovë i inkurajojmë që të vazhdojnë dhe të konvertojnë targat duke mos pas nevojë të paguhet akciza, tvsh dhe taksa doganore”, tha Kurti.
I pyetur nëse kjo do të vlejë edhe për pasaporta të Kosovës, Kurti tha se marrëveshja është vetëm për letërnjoftim.
