Kryeministri i vendit Albin Kurti, ka vizituar komunat Leposaviq dhe veri të Mitrovicës ku janë duke u ndërtuar shtëpitë e subvencionuara nga qeveria. Kurti tha se kjo do t’i shërbejë të gjithë qytetarëve pavarësisht etnisë, ndërkaq për hapjen e Urës së Ibrit tha se ajo duhet të hapet. Kë po e prêt Kurti për hapjen e Urës mbi Ibër, ndjekim kronikën në vazhdim.
Kryeministri i vendit Albin Kurti ka vizituar komunat veriore të martën.
Paraprakisht vizitoi fshatin Cerajë atje ku po ndërtohen shtëpitë për shqiptarët më pas fshatin Leshak për të vendosur gurëthemelin e një stacioni të Policisë së Kosovës.
Kurti erdhi edhe në veri të Mitrovicës nën masa të rrepta sigurie për tu takuar me kryetarin e kësaj komune, nga ku foli për projektin e ndërtimit të shtëpive në komunat veriore.
Ndërkaq shefi i shtetit deklaroi se hapja e urës mbi lumin Ibër duhet të ndodh, por sipas tij, po pret përgjigje nga KFOR dhe QUINT-i.
Kurti vizitoi edhe bizneset e shqiptarëve që janë hapur së fundi në veri.
