Kryeministri i Kosovës, Albin kurti, tha se të premten pritet të betohen tre kryetarët e zgjedhur të komunave veriore, Zveçan, Zubin Potok dhe Leposaviq, seancat konstituive të të cilave pritet të mbahen në objekte publike në këto komuna, raporton teve1.info
Në fjalën hyrëse në mbledhjen e Qeverisë, Kurti tha se ky është një proces normal pas një procesi zgjedhor.
“Nesër, në ndërtesa publike në këto komuna, do të mbahen seancat konstituive dhe betimi edhe i tre kryetarëve të rinj të Zveçanit, Zubin Potokut dhe Leposaviqit.
Kanë kaluar mbi 6 muaj prej kur këto katër komuna mbetën pa kryetarë. Dy prej tyre edhe pa kuvende. E banorët atje, pa shërbime komunale. Kjo nuk është normale”, tha Kurti.
Kurti tha se të premten e kaluar, kryetari i zgjedhur i Komunës Veriore të Mitrovicës, Erden Atiq, bëri betimin e tij, derisa këtë e quajti proces normal.
