Në një intervistë për “Bloomberg”, kreu i Ekzekutivit është shprehur se nëse situata përshkallëzohet në dhunë, policia dhe forcat paqëruajtëse të KFOR-it prej 3 mijë e 800 trupash të NATO-s do t’i japin fund, shkruan teve1.info
Vendimi i Kosovës për reciprocitet për targa dhe dokumente ndaj Serbisë do të hyjë në fuqi më 1 shtator.
Gjatë kësaj interviste, Kurti po ashtu ka deklaruar se Kosova dhe Serbia nuk kanë alternativë tjetër, përveçse të arrijnë marrëveshjen finale për normalizim marrëdhëniesh, duke theksuar se ka “ardhur koha” që një gjë e tillë të bëhet gjatë mandatit të tij.
“Ne duhet të kemi një marrëveshje dhe koha ka mbërritur gjatë mandatit të qeverisë sonë…unë shoh mundësinë. Këtë vjeshtë do të zbulojmë nëse do të shkojmë atje. Kjo vjeshtë është mjaft vendimtare për të parë nëse duhet të jemi optimistë”, ka thënë ai. /Teve1.info/
