Kryeministri i Kosovës, Albin Kurti, ka folur për nevojën e zbatimit e plotë të Marrëveshjes së Brukseli dhe Aneksit të Ohrit.
Ai këtë sipas komunikatës së Qeverisë e ka thënë në takimin e zhvilluar me Ndihmës Sekretarin e Shteteve të Bashkuara të Amerikës për Ballkanin Perëndimor, Alexander Kasanof.
“Përgjatë takimit u trajtua dhe dialogu me Serbinë, ku kryeministri shprehu konstruktivitetin e Kosovës në proces dhe nevojën për zbatimin e plotë dhe sa më parë të Marrëveshjes Bazike të Brukselit dhe Aneksit Implementues të Ohrit”,tha Kurti thuhet në komunikatë.
Poashtu Kurti në këtë takim ka folur edhe për bashkëpunimin rajonal në prag të Procesit të Berlinit dhe zbatimin e marrëveshjes për lëvizje të lirë me Bosnje e Hercegovinën.
“Kryeministri theksoi edhe domosdoshmërinë e bashkëpunimit rajonal në pritje edhe të samitit të Procesit të Berlinit të hënën e ardhshme, ku trajtoi nevojën e zbatimit të marrëveshjes për lëvizjen e lirë mes Kosovës dhe Bosnjë dhe Hercegovinës, e cila i kontribuon qytetarëve të dy vendeve”, ka thënë Kurti.
Kryeministri foli edhe për raportet ndërmjet Kosovës dhe ShBA-së ku vlerësoi mbështetjen e Amerikës ndaj Kosovës
“Me Shtetet e Bashkuara të Amerikës ndajmë vlera dhe qëllime të përbashkëta, si miq, aleatë e partnerë, e cila reflektohet edhe nga dëshira e perceptimi edhe i vetë qytetarëve të vendit tonë. Kryeministri Kurti falënderoi Shtetet e Bashkuara të Amerikës për bashkëpunimin në fushën e ekonomisë, energjisë, sigurisë e më gjerë. Theksoi edhe progresin demokratik, ekonomik e shoqëror që ka njohur vendi ynë përgjatë këtij mandati qeverisës, me ç’rast veçoi edhe rëndësinë e sigurisë dhe të sundimit të ligjit”, tha Kurti.
