Për 18 ditë më radhë kryeministri i Kosovës, Albin Kurti qëndroi në Shtetet e Bashkuara të Amerikës.
Gjatë këtij qëndrimi, Kurti i shoqëruar nga pesë zyrtarë të qeverisë së tij, shpenzuan hiç më pak së 36 mijë e 772 euro.
Kështu bëhet e ditur në të dhënat që ka siguruar tëvë1 nga Zyra e kryeministrit pas kërkesë së dërguar një muaj më parë.
Qëndrimi për afro tri javë i vetëm shefit të ekzekutivit në SHBA i kushtoi 9 mijë e 304 euro, duke përfshirë këtu çmimin e biletës dhe akomodimi në hotel.
E më shumë se Kurti gjatë kësaj vizite shpenzoi shefi i kabinetit të Kurtit, Luan Dalipi dhe fotografi i kryeministrit, Patrik Domi.
Nga kuleta e shtetit, Dalipi ka harxhuar 9 mijë e 480 euro, kurse Domi 9 mijë e 413 euro.
Për dallim nga kryeministri këta të dy kanë marrë edhe mëditje mbi 1 mijë euro.
Ndërsa për tre pjesëtarë tjerë të delegacionit u shpenzuan nga parat e shtetit mbi 8 mijë euro.
Raporti i gazetares Doresa Geci.