Sot shënohen 28 vite nga ndarja nga jeta e humanistes së madhe shqiptare, Nënë Tereza.
Në këtë ditë përkujtimore, kryeministri në detyrë i Kosovës, Albin Kurti, ka thënë se vepra dhe mësimi i saj do të mbeten udhërrëfyes për brezat që vijnë.
“Nënë Tereza ishte mishërimi i humanizmit dhe dashurisë për njeriun. Ajo ia kushtoi jetën e saj të varfërve, të braktisurve dhe fëmijëve. Shembulli i saj i përkushtimit dhe i mëshirës është i pavdekshëm dhe do të mbetet frymëzim për gjithë njerëzimin”, u shpreh Kurti në një postim në Facebook.
Nënë Tereza, e lindur më 26 gusht 1910 në Shkup, themeloi Misionaret e Bamirësisë dhe u nderua me Çmimin Nobel për Paqe në vitin 1979. Pas vdekjes më 1997, ajo u shpall e lumtur në vitin 2003 dhe u kanonizua shenjëtore më 2016.
