Kryeministri, Albin Kurti është zotuar në përfundimin e investimeve të nisura e nisjen e atyre të reja në infrastrukturën sportive në Pejë.
Në tubimin e mbajtur në këtë komunë, Kurti tha se stadiumi në këtë komunë është në gjendje të mjerushme.
“Kjo salla e sporteve Karagaç gjithashtu do të rinovohet thellësisht e tërësisht për sportistët e Pejës e për të mirëpritur gara ndërkombëtare. Për stadiumin Shahin Haxhi Islami ku i ka zhvilluar historikisht ndeshjet klubi Besa i kemi ndarë 19 milionë euro. Stadiumi është në gjendje të mjerueshme”, tha Kurti.
Tutje, ai tha se “kombi shqiptar ka nevojë për biznesmen patriot që thonë Peja, Republika e Kosovës, Gjakova, Republika e Kosovës e jo kurrë, asnjëherë që thonë Peç Serbia a Gjakovica Serbia”.
