Sot, është mbajtur mbledhja e 51-të me radhë e Këshillit të Përgjithshëm të Lëvizjes Vetëvendosje, teksa në mbledhje ishin të pranishëm të parët e partisë.
Kryeministri i vendit, njëherit edhe kryetari i partisë tha se bashkërisht duhet të angazhohen që të punojnë për të mirën e Kosovës.
“Të gjitha mbledhjet deri sot janë karakterizuar me propozime të mira kritika të sinqerta, ide kreative, shqyrtime të gjëra e vendime të rëndësishme, të cilat përherë janë marrur nga ne në këto 12 vjet veprimtari. Nuk ka gjë më të bukur se të jesh aktivist i lirë e të qëndrosh i etur për bindjet, aktivistët besojnë se përpjekjet nuk ndalin historia vazhdon të na befasoj, herë për të mirë e herë për të keq. Kjo kërkon strategji, fleksibilitet, këmbëngulje e jo kokëfortësi, por as lëshim “pe” e oportunizëm, kërkon angazhim të vazhdueshëm në përputhje me rrethanat”, tha Kurti.
Ai tha se dita-ditës si parti po shënojnë rritje të anëtarëve të rinj.
“Lëvizja është në kulmin e energjisë së saj e në kulmin e kreativitetit. Neve na rriten demostratat në kërkim te sovranitetit e demokracisë. Anëtarësimet vazhdojnë e trendi është në rritje edhe për organizatat e reja që kemi themeluar”, u shpreh mes tjerash Kurti.
Ndërkaq e pranishme në mbledhje ishe edhe ministrja e Arsimit, Arbërie Nagavci, e cila falënderoi kryetarët e rinj në komunat veriore, policët e gazetarët për rezistencën e tyre gjatë raportimeve./teve1.info/
