Kryeministri i Kosovës, Albin Kurti ka thënë bashkë me gratë dhe vajzat po bëjnë përpjekje për më shumë të drejta e barazi.
Ai gjatë adresimit të tij në mbledhjen e Qeverisë së Kosovës, me rastit e 8 marsit, Ditës Ndërkombëtare të Gruas , shprehi nderim për sukseset e grave për gjatë historisë.
“Në Ditën Ndërkombëtare të grave nderojmë sukseset që kanë arritur historikisht. Sot e çdo ditë nderojmë kontributin e grave që nuk janë më dhe luftojmë bashkë me gratë dhe vajzat për më shumë të drejta e barazi. Qeverisja jonë mbetet e përkushtuar ndaj politikave të demokratike e sociale që lehtësojnë barrën e padrejtësive që gratë mbajnë mbi supet e tyre. Vazhdojnë përpjektë dhe betejën për barazi shoqërore e gjinore. Prej shtëpisë e deri tek institucionet ta bëjmë Kosovën të barabartë”, tha Kurti, raporton teve1.info.
Ai tha se kontribut i grave të Kosovës në luftën çlirimtare dhe për gjatë historisë ka qenë i rëndësishëm, ndërsa se mbetet dhimbje e madhe dhe plagë që duhet ta shërojë shteti është çështja e të mbijetuarave të dhunës seksuale gjatë luftës.
“Nuk harrojmë dhimbjen e madhe që nuk kalon dhe një plagë të madhe që shteti e ka obligim që ta shërojë. Po e vazhdojmë procesin e aplikimit për njohje të statusit të t mbijetuarave të dhunës seksuale gjatë luftës. Një proces i rëndësishëm për historinë dhe shtetin tonë dhe një prej parakushteve për ndërtimin e paqes së qëndrueshme në vend”, ka thënë Kurti.
