Kryeministri i Kosovës, Albin Kurti, në ditën e dëshmorëve të kombit shqiptar, 5 maji, ka thënë se ata janë dëshmi e orëve të historisë dhe dëshmitarë të historisë së kombit.
Në një postim në Facebook, Kurti ka thënë se dëshmorët e Ushtrisë Çlirimtare të Kosovës përfaqësojnë grupin e fundit të madh të të rënëve për lirinë e vendit tonë.
“Sivjet po bëhen 25 vite nga çlirimi i Kosovës në qershor të vitit 1999. Dëshmorët e Ushtrisë Çlirimtare të Kosovës përfaqësojnë grupin e fundit të madh të të rënëve për lirinë e vendit tonë. Ata janë dëshmorët më të freskët në kujtesën tonë kolektive për rrugën që kemi ndjekur deri te liria, andaj edhe përkujtimet e nderimet tona për dëshmorët, nisin prej tyre dhe mbarojnë me ta”, ka shkruar Kurti ndër të tjera.