Pas homazheve, Kurti tha se kujtimi dhe përkujtimi për ta është dëshmi që “ne besojmë se për të tashmen tonë, për të ardhmen tonë e kaluara e lavdishme është vendimtare për drejtimin dhe shpejtësinë në ecjen para të Kosovës”.
“Si Qeveri e Republikës së Kosovës asnjëherë nuk do të harrojmë se prej nga vijmë dhe ku duhet të shkojmë pikërisht duke iu falënderuar gjakut të derdhur për liri i cili nuk shlyhet kurrë ashtu sikurse edhe që emri i këtyre dëshmorëve nuk do të harrohet kurrë”, u shpreh ai.
Kurse, pasi vendosi lule te shtatorja e heroit Zahir Pajaziti, Kurti u shpreh se si komandant i zonës operative të Llapit, ai “e dha kushtrimin e lirisë shumë herët, para se të fillonte lufta çlirimtare”.
“Këtyre që kontribuuan e u sakrifikuan ju kemi borxh që të ardhmen ta bëjmë shumë më të mirë e më të ndritshme se sa që e kemi të tashmen e se sa që e kishim të shkuarën”, shtoi Kurti./teve1.info/
