Kryeministri i Kosovës, Albin Kurti, udhëton për në Bukuresht të Rumanisë.
Përmes një komunate për media, bëhet e ditur se Kurti do të marrë pjesë në konferencën e organizuar nga Partia Socialiste Evropiane.
“Kryeministri i Republikës së Kosovës, Albin Kurti, ka udhëtuar sot për në kryeqytetin e Rumanisë, Bukuresht, ku do të marrë pjesë në konferencën e organizuar nga Partia Socialiste Evropiane (PES), në kuadër të përgatitjeve për zgjedhjet evropiane në qershor të këtij viti”, thuhet në komunikatë.
Njëherit, bëhet e ditur se gjatë qëndrimit atje, Kurti do të ketë takime me përfaqësues dhe liderë të partive të ndryshme.
