Kryeministri i Kosovës, Albin Kurti gjatë raportimit të tij para deputetëve në Kuvendin e Kosovës ka thënë se në takimin e 26 tetorit në margjina të Samitit të Këshillit Evropian në Bruksel me krerët e Bashkimit Evropian, ka kërkuar së pari dhe mbi të gjitha më shumë siguri në kufirin ndërmjet Kosovës dhe Serbisë.
Kryeministri gjithashtu tha se nga krerët evropianë ka kërkuar ndëshkimin e Serbisë pasi sipas tij, mosndëshkimi bëhet inkurajim për përsëritje.
“Në këtë takim unë së pari dhe mbi të gjitha kam kërkuar më shumë siguri në kufirin ndërmjet Kosovës dhe Serbisë. Nga Serbia agresioni ndaj Kosovës me paramilitarët të cilët e kryenin sulmin terrorist të sponsorizuar nga Serbia, kërkova poashtu që të bëhet edhe ndëshkimi e sankionimi i Serbisë për këtë sulm terrorist ndaj Kosovës, pasi mosndëshkimi bëhet inkurajim për përsëritje”, tha Kurti.
Derisa theksoi se kërkesa për ndëshkim të Serbisë është bërë për hir të mospërsëritjes.
“Pra sulmi na ka ardhur nga ana tjetër e kufirit i cili nuk është mjaftueshëm i kontrolluar e i mbrojtur. Ndërkaq kërkesën për sanskione dhe për ndëshkim e kemi për hir të mospërsëritjes. Pra ne nuk dëshirojmë që të na përsëritet kurrë më çkado e ngjashmë me 26 shtatorin dhe nuk shohim se si mund ta parandalojmë përsëritjen pa sanksione e ndëshkim ndaj Serbisë”, shtoi Kurti./teve1.info./
