Kryeministri në detyrë i Kosovës, Albin Kurti ka thënë se anëtarësimi në Këshillin e Evropës është ndër prioritet kryesore.
Ai kështu është shprehur në takimin që ka zhvilluar me kancelarin e Austrisë, Christian Stocker, ku po zhvillon vizitë zyrtare.
Kurti duke vlerësuar mbështetjen që ka dhënë Austria për çlirimin dhe shtetndërtimin e Kosovës, theksoi se mbështetja e Austrisë në Asamblenë Parlamentare të Këshillit të Evropës është shumë e rëndësishme.
“Teksa vlerësoi mbështetjen e Austrisë ndaj Kosovës të shprehur në Komitetin e Ministrave, në Kishinau në maj të vitit 2026, kryeministri në detyrë Kurti theksoi se një nga prioritetet më të larta të Qeverisë së Republikës së Kosovës mbetet anëtarësimi në Këshillin e Evropës. Ai nënvizoi rëndësinë e vazhdimit të mbështetjes nga Austria dhe rolit të saj në Asamblenë Parlamentare të Këshillit të Evropës”, tha Kurti thuhet në komunikatën e Qeverisë.
Kurti tha se mirëpret deklaratën e kancelarit Stocker në Tivat, se Bashkimi Evropian nuk është i plotë, i sigurt dhe i qëndrueshëm pa Ballkanin Perëndimor. Pasi tha se Republika e Kosovës është e përcaktuar, e angazhuar dhe e përkushtuar në rrugën e saj të anëtarësimit, kryeministri në detyrë Kurti foli për rëndësinë që BE-ja të përgjigjet me dhënien e statusit të shtetit kandidat dhe hapjen e negociatave.
Në takim u bisedua për thellimin e marrëdhënieve dypalëshe ndërmjet Kosovës dhe Austrisë, me theks të veçantë bashkëpunimin ekonomik e tregtar, investimet dhe rolin e rëndësishëm të mërgatës, energjinë dhe transformimin digjital. Ndërsa, u diskutua edhe për sigurinë, mbrojtjen dhe bashkëpunimin rajonal./teve.info/
