Kryeministri i Kosovës, Albin Kurti, e ka mirëpritur Rezolutën e sotme të Parlamentit Evropian për zhvillimet në dialogun mes Kosovës dhe Serbisë, si dhe për situatën në veri të Kosovës.
Kurti thotë se Parlamenti Evropian bëri thirrje edhe për rritjen e sigurisë në Kosovë dhe ka kërkuar nga Serbia të ndalojë mbështetjen e grupeve terroriste.
“Ndër masat e tjera, ai bën thirrje për rritjen e sigurisë për Kosovën dhe i kërkon Serbisë të shmangë çdo përshkallëzim të mëtejshëm, të ndalojë çdo mbështetje për formacionet terroriste dhe të tërheqë të gjitha bazat e saj operative ushtarake përgjatë kufirit”, ka shkruar Kurti në “X”.
We welcome today’s @Europarl_EN resolution. Among other measures, it calls for the enhancement of security for 🇽🇰 and urges Serbia to avoid any further escalation, halt any support to terrorist formations, and withdraw all its military forward operating bases along the border.
— Albin Kurti (@albinkurti) October 19, 2023
Parlamenti Evropian, të enjten ka miratuar Rezolutën me të cilën dënon sulmin në Banjskë të Zveçanit, ku u vra rreshteri Afrim Bunjaku. Në këtë rezolutë, sulmi cilësohet terrorist dhe do të kërkojë përgjegjësi nga Serbia nëse dëshmohet lidhja e drejtpërdrejtë e Beogradit me këtë ngjarje./teve1.info/
