Ceremonia zyrtare për 111 vjetorin e pavarësisë ka nisur në qytetin e Vlorës, ku është bërë ngritja e flamurit dhe vendosja e kurorave me lule në monumentin e Ismail Qemalit.
Kryeministri, Albin Kurti po merr pjesë krah presidentit shqiptar, Bajram Begaj, kryeministrit, Edi Rama dhe kryekuvendares, Lindita Nikolla.
Të pranishëm në ceremoni kanë qenë edhe qytetarë të shumtë, të cilët kanë sfiduar edhe kushtet atmosferike dhe reshjet e shiut.
Ndryshe, Shqipëria sot feston 111–vjetorin e shpalljes së pavarësisë. Më 28 Nëntor 1912, Ismail Qemali ngriti flamurin në Vlorë duke shpallur Shqipërinë shtet sovran dhe të pavarur.
28 Nëntori për të gjithë shqiptarët kudo ndodhen njihet si Dita e Flamurit.
