Kryeministri i Kosovës, Albin Kurti ka thënë se asnjë nga marrëveshjet e kaluara të arritura me Serbinë nuk përmendet njohja reciproke.
Ai në vazhdimin e debatit për marrëveshjen e Ohrit dhe akuzat e opozitës se ka hequr dorë nga njohja reciproke.
Kurti ka thënë se nëse opozita e tashme ka ditur të negociojë më mirë pse asnjë marrëveshje nuk përmendet njohja.
“Pra nëse keni negociuar mirë e keni bërë më mirë se ne, pse asnjë nga marrëveshjet e kaluara nuk e pati njohjen reciproke”, ka thënë Kurti, raporton teve1.info.
Ai ka thënë se në marrëveshjen e Ohrit nuk përmendet askund Asociacioni apo Zajednica, ndërsa ka thënë se neni 10 përmend që të gjitha marrëveshjet duhet të zbatohen.
Kurti përmendi se edhe marrëveshja e Stabilizim Asociimit më 2015 parasheh zbatimin e të gjitha marrëveshjeve Kosovë-Serbi.
Ndërsa, ka thënë vetëmenaxhimi nuk është vetëvendosje e as vetadministrim.
Ai duke komentuar kritikat e Krasniqit dhe Abdixhikut, ka thënë se po flasin si me pas qenë ish-aktivistë të VV-së.
“Deputetët Krasniqi dhe Abdixhiku po flasin si me qenë aktivistë të VV-së që kanë dhënë dorëheqje e janë të pakënaqur me kryetarin”, tha Kurti.
