Kryeministri, Albin Kurti ka thënë se Republika e Kosovës dënon pa mëdyshje sulmet e sotme terroriste kundër shtetit të Izraelit.
Ai ka thënë se mendimet tona janë me popullin e Izraelit gjatë kësaj kohe tepër sfiduese.
“Mendimet tona janë me popullin e Izraelit gjatë kësaj kohe tepër sfiduese. Ne dënojmë të gjitha aktet e dhunës dhe qëndrojmë në solidaritet të palëkundur me të prekurit”, ka shkruar Kurti.
Ndryshe, Kosova ka dënuar fuqishëm “sulmet terroriste” kundër Izraelit. Ministria e Punëve të Jashtme të Kosovës thotë se dënojnë rëndë sulmet, ku deri më tani janë raportuar 22 izraelitë të vdekur.
“Ne qëndrojmë në solidaritet të plotë me Izraelin në këto momente të tmerrshme. Mendimet tona janë me viktimat, familjet dhe të gjithë Izraelin”, thuhet në deklaratën e MPJ-së.
Ndërkohë, mbi 500 persona kanë mbetur të lënduar nga sulmi befasues i palestinezëve mëngjesin e së shtunës.
Izraeli shpalli “gjendje lufte”, pas sulmit që u vlerësua si i paprecedentë nga grupi militant palestinez Hamas./teve1.info/
The Republic of Kosova unequivocally condemns today’s terrorist attacks against the State of Israel. Our thoughts are with the people of Israel during this incredibly challenging time. We condemn all acts of violence and stand in unwavering solidarity with those affected.
— Albin Kurti (@albinkurti) October 7, 2023
