Kryeministri i Kosovës, Albin Kurti, ka thënë se Qeveria e Kosovës ka shprehur qëndrimin e saj në Bruksel për zbatimin e marrëveshjes bazike.
Ai duke folur për dështimin e takimit tre palësh, ka thënë se që nga takimi i fundit ka ndodhur shumë gjëra dhe se ka kërkuar garanci për mirëbesim.
Kurti ka thënë se në kuptimin e vlerave faktori ndërkombëtar ka mirëkuptim për kërkesat e Kosovës.
“Qeveria e Kosovës ka shprehur qëndrimin e saj të vendosur për respektimin e marrëveshjes bazike. Faktori ndërkombëtar nuk është dakord me letrën e ish kryeministres serbe, do të dëshironin nënshkrimin e marrëveshjeve dhe e vlerësojnë Radoiçiqin, terrorist e kriminele. Në kuptimin e vlerave dhe thelbin e gjerave ata kanë mirëkuptim në atë se çfarë themi na”, ka thënë Kurti para gazetarëve pas takimit me Borrell e Lajçak.
Ai ka thënë se Kosova është treguar konstruktive në dialog dhe se ka përfituar nga ky proces.
I pyetur nëse ka vdekur marrëveshje bazike e arritur në Bruksel dhe aneksi i Ohrit ai ka thënë se një gjë e tillë nuk ka ndodhë, por po të pyetej Serbia do të zhbëhej.
“Kosova ka qenë konstruktive në dialog dhe ka fituar nga dialogu sepse ka mbajtur qëndrim parimor. Marrëveshja bazike po të pyetej nga Serbia do të zhbëhej, por ajo është duke u mbrojtur nga Qeveria e Kosovës dhe parterët tanë”, tha Kuri.
