Kryeministri në detyrë dhe kryetari i Lëvizjes Vetëvendosje, ka thënë se Glauk Konjufca, emri më i përfolur që mund të votohet për kryetar të Kuvendit edhe nga opozita do të jetë pjesë e Qeverisë Kurti3.
Ai ka thënë se për këtë janë marrë veshe në LVV sikurse që Albulna Haxhiu të jetë kandidate për kryetare të Kuvendit.
“Ne kemi marrë vendim ta propozojmë kryetaren e gruas së VV-së, ministren e Drejtësisë, gruan më të votuar, Albulena Haxhiun, ndërsa Glauk Konjufca jemi marrë vesh në VV që do të jetë pjesë e Qeverisë në Kurti3. Pra, Glauku po kthehet në ekzekutiv, Albulena në legjislativ”, ka thënë Kurti në një intervistë për RTK-në.
Albulena Haxhiu në ka arritur të marrë votat e mjaftueshme për tu zgjedhur kryetare e Kuvendit në 19 tentime të konstituimit të Kuvendit.
LVV ka propozuar edhe votim të fshehtë për këtë proces, por që nuk është votuar formimi i komisioni ad hoc.
Kurti ka thënë se me kryetarin e Nismës, Fatmir Limaj nuk kanë arritur marrëveshje për kryetar të Kuvendit pasi ai ka kërkuar që të ketë pozitën e kryetarit të Kuvendit.
Kryeministri në detyrë tha se nuk ka mundur t’ia jap këtë pozitë, pasi në koalicion parazgjedhor është me partinë Guxo e cila ka më shumë vota se Nisma.
Ai ka thënë se është i gatshëm të bashkëpunojë me Limaj për formimin e Qeverisë./teve1.info/
