Nga atje, Kurti ka kërkuar përgatitje dhe veprime urgjente për parandalimin e një krize ushqimore, duke thënë se edhe pandemia edhe lufta në Ukrainë e kanë vërtetuar se sa i cenueshëm është sistemi global i ushqimit.
“Në fjalën e tij, kryeministri Kurti ka thënë se pandemia Covid-19, e tani edhe lufta në Ukrainë, e kanë vërtetuar se sa i cënueshëm është sistemi global i ushqimit, prandaj kjo kërkon përgatitje dhe veprime urgjente që të parandalojmë një krizë të radhës”, thuhet ndër tjerash në njoftimin e Zyrës së Kryeministrit.
Tutje, Kurti ka deklaruar se këto kriza nuk duhet të pengojnë për të avancuar zbatimin e Agjendës së Gjelbër dhe përmbushjen e objektivave të zhvillimit.
“Për të përshpejtuar zbatimin e Agjendës së Gjelbër, kryeministri ka thënë se Qeveria ka ndërmarrë disa veprime, ndër to: shumëfishimin e subvencioneve në bujqësi, inicimin e Kartës për Komunën e Gjelbër dhe të Qëndrueshme, finalizimin e draftit të Strategjisë së Energjisë 2022–2031, finalizimin e Draft Strategjisë Afatgjate të Dekarbonizimit, përmes së cilës i hapet rrugë tranzicionit drejt një ekonomie të qëndrueshme dhe konkurruese, hartimin dhe miratimin e Strategjinë për Bujqësi dhe Zhvillim Rural 2022-2028, e cila vëmendje të veçantë i ka kushtuar edhe sigurisë ushqimore”, njofton ndër tjerash ZKM./teve1.info/
