Kryeministri i Kosovës dhe i mandatuari edhe për një mandate nga Lëvizja Vetëvendosje, Albin Kurti, ka thënë se kanë dëshmuar që kushtetutshmëria dhe ligjshmëria në vendin tonë nuk mund të mposhten asnjëherë.
Kurti në një tubim elektoral në Mitrovicë, ka thënë se ligji do të funksionojë në çdo pjesë të vendit.
Ai duke folur për situatën në veri të vendit, është shprehur se më nuk do të ketë barrikada e sundim të bandave kriminale.
“E kemi dëshmuar se kushtetutshmëria dhe ligjshmëria në vendin tonë, sovraniteti, paqja dhe rendi e populli dhe republika jonë nuk mund të mposhten asnjëherë nga askush. Nuk ka më e nuk do të ketë kurrë më sundim të bandave kriminale, qarkullim të targave ilegale, ngritje të barrikadave. Fuqia e ligjit të drejt në Republikën demokratike të Kosovës ngadhënjen gjithmonë çdo kund cep më cep të Mitrovicës e të Republikës së Kosovës”, ka thënë Kurti./teve1.info/
