Gjatë këtij paneli, Kurti ka theksuar se së bashku me presidentin amerikan Joe Biden dhe kancelarin gjerman Olaf Scholz, mund të krijojnë një urë transatlantike.
“Zgjidhja për Balllkanin Perëndimor është Bashkimi Evropian dhe drejt kësaj rruge ne kërkojmë procesin e Berlinit 2.0, në bazë të një standardi të potencuar nga kancelari Scholz. Besoj se me presidentin Biden në Shtëpinë e Bardhë dhe në Berlin me kancelarin Scholz ne mund të krijojmë një urë transatlantike që në shekullin 21 është më i rëndësishëm se sa ka qenë“, ka thënë Kurti.
Tutje, ai foli edhe për arritjet e Kosovës, me ç’rast theksoi se shteti është i pari në sundim të ligjit në projektin e drejtësisë, teksa ka shënuar progress edhe sa i përket korrupsionit.
“Kosova po tregon që përmes reformave demokratike mund të përparojë në zhvillim ekonomik. 33 përqind kemi rritje në bazë të GJDP-së dhe po ashtu kemi rritje të ËDI 20 përqind, 33 përqind kemi rritje të eksportit. Investimet kapitale kemi rritje 10 përqind. Krahasuar para dy viteve buxheti vjetor i shtetit tonë është më i lartë për diku 20 përqind. Ne, po ashtu po tregojmë se me reforma demokratike në njërën anën po e bëjmë ekonominë që të rritet por po e bëjmë edhe rishpërndarjen dhe rritjen edhe më të madhe ekonomike përmes sasisë në bazë të rritjes së GJDP-së. Ne, jemi të parët në sundim të ligjit në projektin e drejtësisë, teksa edhe në Transparencë International kemi shënuar progres në adresim të korrupsionit. Kështu që Ekonomia dhe zhvillimi shkojnë së bashku. Nuk jemi shkëlqyeshëm, por jemi një shembull i mire”, është shprehur Kurti. /Teve1.info/
