Kryeministri i Kosovës, Albin Kurti, ka reaguar për vdekjes e dy persona si pasojë e vërshimeve në qytetin e Pejës.
Kurti ka thënë se lajmin e ka marrë me pikëllim të thellë derisa ka ngushëlluar familjet për humbjen e anëtarëve të tyre.
Kryeministri i ka ngushëlluar familjarët në emër të Qeverisë së Kosovës dhe në emrin personal, ndërsa të lënduarve i ka uruar shërim të shpejtë.
Ndërkohë, ai tha se Qeveria e Kosovës është e angazhuar me kapacitetet e saj me Forcën e Sigurisë së Kosovës dhe Agjencinë për Menaxhimin e Emergjencave që të ndihmojë në përballimin dhe tejkalimin e pasojave të vërshimeve.
“Qeveria e Republikës së Kosovës është e angazhuar me kapacitetet e saj me Forcën e Sigurisë së Kosovës dhe Agjencinë për Menaxhimin e Emergjencave që të ndihmojë në përballimin dhe tejkalimin e pasojave të vërshimeve. Ministri i Mbrojtjes, Armend Mehaj, Ministri i Punëve të Brendshme, Xhelal Sveçla dhe Ministri i Administrimit të Pushtetit Lokal, Elbert Krasniqi, janë në komunikim me Komunën e Pejës për të koordinuar veprimet në ofrim të mbështetjes së nevojshme”, ka shkruar Kurti në Facebook./teve1.info/
