Kryeministri i Kosovës, Albin Kurti, nuk e dinë arsyen se pse nuk kanë reaguar Bashkimi Evropian për sulmin e sotëm në veri, ku i vrarë ka mbetur një polic e një tjetër i plagosur.
Kurti, thotë se ka qenë në kontakt me ambasadorin amerikan Jeff Hovenier.
“Nuk e di pse nuk kanë reaguar Bashkimi Evropian. Unë kam qenë në kontakt me ambasadorin amerikan Jeff Hovenier. Do të vendosi kontakt patjetër edhe me ambasadorin e Bashkimit Evropian, Tomas Szunyog”, tha Kurti në konferencë pas mbledhjes së Këshillit të Sigurisë.
Kurti thotë se pas prezantimit të fakteve, nuk ka askush dilema që personat e uniformuar kanë ardhur që ta destabilizojnë dhe të luftojnë në territorin e Kosovës.
“Unë besoj që pas këtyre fakteve të dhënave, nuk ka askush pse të ketë dilema se ku ndodhemi sot dhe çfarë rreziku kemi, do të thosha jo vetëm në Banjskë të Zveçanit, meqenëse qartazi nuk bëhet fjalë për fshatarë të një lokaliteti të një komune veriore, por për profesionistë të cilët me maska, uniforma dhe kalibrat të rëndë kanë ardhur që ta destabilizojnë Kosovën dhe të luftojnë në territorin e Repulikës sonë”, tha kryeministri, raporton teve1.info
Tutje, ai bëri të ditur se ende nuk janë identifikuar këta persona, ku tha se janë rreth 30.
“Nuk e di se prej nga janë, nuk i kemi identifikuar si persona. Por, po them që si formacion organet tona të sigurisë do të mund të mësojnë më shumë atëherë kur ekspertet do ta bëjnë vlerësimin e tyre”, tha Kurti./teve1.info/
