Kandidati i Lëvizjes Vetëvendosje për kryeministër, Albin Kurti, në një tubim në Bellanicë të Malishevës, tha se Malisheva meriton zhvillim të qëndrueshëm dhe investime që ndikojnë drejtpërdrejt në cilësinë e jetës së qytetarëve.
Ai rikujtoi investimet e realizuara dhe projektet në proces, si fillimi i ndërtimit të nënstacionit energjetik me vlerë 6.7 milionë euro, projekti për furnizimin me ujë të pijshëm me investim prej afro 7 milionë eurosh, si dhe investimet në infrastrukturën rrugore, arsimin dhe çerdhet.
Për mandatin e ri, Kurti theksoi se investimet për Malishevën do të shtohen edhe më tej, me fokus në rrugë, ujë të pijshëm, impiant për trajtimin e ujërave të zeza, arsim, sport dhe banim të përballueshëm, si pjesë e vizionit për zhvillim të qëndrueshëm dhe përmirësim të mirëqenies së qytetarëve.
Kurti tha gjithashtu mbështetjen për sportin, duke veçuar investimet për stadiumin “Liman Gegaj”, terrenet ndihmëse sportive dhe përkrahjen për FC Malisheva dhe shkollat e futbollit, si pjesë e përkushtimit për të rinjtë dhe zhvillimin e sportit në komunë.
Ai përmendi po ashtu mbështetjen për bujqit dhe fermerët, si dhe rëndësinë e projekteve që ndërtojnë themele të qëndrueshme zhvillimi për Malishevën.
Në përmbyllje, ai bëri thirrje për mobilizim drejt fitores historike, duke theksuar se puna e nisur duhet të vazhdojë e të zgjerohet me Malishevën fuqishëm në mbështetje të Republikës dhe të ardhmes së saj.
