Kryeminitri i Kosovës Albin Kurti ka thënë se do të rritet investimet në ushtri e polici në bashkëpunim me partnerët.
Kështu ai është shprehur pas përfundimit të takimeve të zhvilluara në kuadër të Konferncës së Sigurisë që u mbajtë në Mynih të Gjermanisë.
“Treguam gjerësisht mbi të arriturat e shtetit tonë në 5-vjeçarin e kaluar dhe planet tona për këtë mandat të ri qeverisës. Investimet në polici dhe ushtri do t’i rrisim dhe zgjerojmë bashkë me partnerët tanë demokratikë dhe perëndimorë, që ta forcojmë sigurinë, sundimin e ligjit dhe luftimin e krimit të organizuar”, ka shkruar Kurti ku ka njoftuar për takimet e zhvilluara.
Ai tha se në këto takime, siguria dhe mbrojtja, bashkëpunimi bilateral, progresi demokratik dhe zhvillimi ekonomik ishin në qendër të bisedimeve./teve1.info/
