Kryeministri i Kosovës, Albin Kurti, i ka uruar mirëseardhje mërgimtarëve të Kosovës të cilët kanë filluar t’i kalojnë pushimet verore në Kosovë, raporton teve1.info
Kurti në fjalën hyrëse në mbledhje të Qeverisë, ka thënë se ecja e shpejt në formimin e shtetit të Kosovës është më e lehtë me mbështetjen e mërgimtarëve.
Ai i ka falënderuar edhe për ruajtjen traditave shqiptare.
“Mirësevini në shtëpinë tuaj të dashur mërgimtarë. Ardhja juaj në vendin tuaj shënon një moment të veçantë sepse shpreh një ndjenjë të përjetshme që i tejkalon kufijtë e shteteve. Ardhja juaj le të lidhë gjeneratat e reja me tokën e tyre e të rinjtë le të mësojnë nga të vjetrit. Të ju falënderoj për përkushtimin tuaj për të ruajtur traditat tona dhe zhvillimin ekonomik. Ecja e shpejt drejt formimit të vendit është më e lehtë kur e dimë që e kemi mbështetjen tuaj. Ju jemi pafundësisht falënderues për rolin tuaj në ndërtimin e vendit. Kemi nisur rrugën Prishtinë-Merdare jo vetëm për llapit por për t’ua lehtësuar ardhjen e juaj dhe kur të hyni në Kosovë, rrugët të ngjajnë me ato të perëndimit. Kurse, për t’u siguruar që koha juaj në vendlindje do të jetë e bujshme, Ministria e Kulturës ka hartuar një listë aktivitetesh kulturore. Mirësevini në vendin tuaj”, ka thënë Kurti.
