Vetëm pala serbe ishte e përgatitur të diskutonte për specifikat e dialogut. Kjo është deklarata e ambasadorit amerikan në Beograd, Christopher Hill, e cila ngjalli reagime brenda dhe jashtë vendit.
Ndonëse nuk ia përmendi emrin, kryeministri kosovar, Albin Kurti, i quajti të pavërteta pretendimet se kishte shkuar në Bruksel i papërgatitur.
Profesori universitar, Fadil Maloku, duke komentuar deklaratën e Hill, thotë se nëse SHBA tenton ta bëjë Serbisë hisedare të interesave të saj në Ballkan, atëherë gabon rëndë.
Njohësi i ështjeve politike, Shemsi Jashari, thotë se tashmë po vërtetohet fakti që Kosova nuk është e koordinuar me SHBA-në aq sa duhet rreth temës së dialogut me Serbinë.
Ai kritikon Kurtin për përgjigjen e sotme ndaj Hill, duke thënë se t’i thuash që po flet të pavërteta një ambasadori të njohur amerikan, i bënë dëm Kosovës.
Historia e diplomatit Hill në Ballkan fillon në vitin 1991, ku pas rënies së komunizmit në Shqipëri, u caktua si ambasador i përkohshëm i Shteteve të Bashkuara në Tiranë.
Ai u rikthye në trojet shqiptare në vitet 1998-1999, si i dërguar i posaçëm i SHBA-së në Kosovë dhe mbahet në mend për angazhimin e tij në ndërmjetësimin diplomatik midis forcave të atëhershme politike e ushtarake të Kosovës dhe Serbisë.
Pas çlirimit të Kosovës, Hill u angazhua edhe në procesin e Pavarësisë. Madje, në vitin 2013, derisa po e pranonte titullin “Honoris Causa”, nga Universiteti i Prishtinës, thoshte se në botë mund të ndryshojë gjithka, përve raporteve të mira mes Kosovës dhe Shteteve të Bashkuara të Amerikës.
Raporti i gazetarit Arton Rama.
