Kurti deklaroi se Vuçiqi prej idesë së shkëmbimit të territoreve, “tash po e dëshiron qymyrin e Kosovës”.
Këto deklarata ai i ka bërë të enjten, pas dorëzimit të disa medaljeve të njësisë speciale të EULEX-it.
Ndryshe, të mërkurën Vuçiq deklaroi se Kosovës do t’i ofrohet një marrëveshje ku në këmbim të linjitit Kosovës do t’i ofrohet energji elektrike ose edhe pagesa me para.
“Ne ishim të gatshëm t’i ofronim Prishtinës shkëmbim në mënyrë që të merrnim sasi të konsiderueshme të linjitit cilësor në këmbim të energjisë elektrike. Nëse nuk doni kështu, atëherë mund të bëhet edhe me para. Nuk kemi asnjë problem, jemi të gatshëm të flasim për këtë”, pati thënë Vuçiq për gazetarët në Ohër, gjatë Samitit për “Ballkanin e Hapur”./KP
