Përmes një video të shpërndarë në Facebook, ai ka thënë se nga sot e deri më 31 tetor, për gjithsej 61 ditë në 34 qendra komunale të Regjistrimit të Automjeteve do ta zhvillojmë procesin e konvertimit të targave të veturave të lëshuara nga Serbia në ato të Republikës së Kosovës, raporton teve1.info
“Nga sot e deri më 31 tetor, për gjithsej 61 ditë në 34 qendra komunale të Regjistrimit të Automjeteve do ta zhvillojmë procesin e konvertimit të targave të veturave të lëshuara nga Serbia në ato të Republikës së Kosovës. Në Kosovë janë gjithsej 401.945 vetura me targa RKS. Prej tyre dhjetëra mijëra janë me pronarë të komuniteteve pakicë. Ato që duhet të konvertohen përbëjnë vetëm rreth 2% të tyre”, ka shkruar Kurti në Facebook.
Tutje ai theksoi se nga konvertimi i targave të veturave të lëshuara nga Serbia në ato të Republikës së Kosovës pronarët janë të liruar nga taksa e detyrime që arrijnë velrën deri në 5 mijë euro.
“Ftoj qytetarët e Republikës së Kosovës, pronarë të veturave me targa “PR”, “KM”, “PZ”, “GL”, “UR”, “PE”, “DA” dhe “ĐA” që t’i konvertojnë ato në targa RKS në dy muajt e ardhshëm gjatë të cilëve janë të liruar nga taksa e detyrime që arrijnë vlerën deri në 5.000 euro”, shtoi ai.
I pari i Qeverisë u shpreh se këto targa të lëshuara nga Serbia janë trashëgimi e regjimit të Millosheviqit, teksa ka shtuar se konvertimi në targa “RKS” eliminon barrën dhe siguron lëvizje të lirë në të gjithë Kosovën.
“Targat e lëshuara nga Serbia, “PR, “KM”, “PZ”, “GL”, “UR”, “PE”, “DA”, dhe “DA” janë trashëgimi e regjimit të Millosheviqit. Kjo trashëgimi është barrë që nuk do të duhet ta mbani ju. Përveç kësaj, ajo po synon të ju mbajë në të kaluarën dhe të izoluar. Konvertimi në targa “RKS” eliminon këtë barrë dhe ju siguron lëvizje të lirë, të pa penguar dhe pa paragjykime në të gjithë territorin e Republikës së Kovovës”, u shpreh Kurti./teve1.info
