Kryeministri i Kosovës, Albin Kurti i ka ftuar qytetarët e vendit që të aplikojnë për Çmimin e Vullnetarizmit.
Kurti ka thënë se shumë qytetarë angazhohen vullnetarisht për të avancuar shoqërinë.
Tutje, ai ka bërë të ditur se afati për nominime për Çmimet e Vullnetarizmit është deri më 30 shtator 2024.
“Shumë qytetarë angazhohen vullnetarisht për ta avancuar shoqërinë tonë. Këto kontribute e meritojnë të promovohen dhe falënderohen. Çmimet e Vullnetarizmit në Kosovë janë një hap në këtë drejtim.
Ju bëj thirrje të gjithë juve qytetarë të nderuar që të nominoni të rinjtë, komunat, bizneset, përfaqësuesit e diasporës dhe figurat publike që janë angazhuar ose e kanë përkrahur vullnetarizmin në Kosovë”, ka shkruar Kurti në Facebook./teve1.info/
