Kryeministri i vendit, Albin Kurti ka folur në mbledhjen e Qeverisë për rastin e Faton Hajrizit, duke ftuar qytetarët që mos bien pre e patriotizmit të tij.
Sipas Kurtit, hero është rreshteri i vrarë në fshatin Banjskë të Zveçanit, Afrim Bunjaku.
Ndërsa, ai ka theksuar se rasti Hajrizi kërkon hetim edhe ndërkombëtar.
“Ministria e Punëve të Brendshme dhe Policia e Kosovës kanë përcjellë me vëmendje çdo hollësi. Ministria e Drejtësisë dhe ajo e Punëve të Jashtme janë angazhuar dhe kanë informuar. Me gjithë këtë sqarimi i rrethanave që nga ikja në drejtim të Serbisë e deri te vrasja e tij e raportuar kërkon një hetim vendor dhe ndërkombëtar. I ftoj qytetarët e vendit tonë që të mos bien pre e euforisë së heroizmit dhe romantizmit të Faton Hajrizit. Patriot në Republikën e Kosovës është rreshteri i Policisë së Kosovës, Afrim Bunjaku i vrarë në Basnjë të Zveçanit. Patriotë janë 23 pjesëtarë të Policisë së Kosovës të rënë në krye të detyrës që dëshmuan përkushtimin për shërbim deri në sakrificë”, deklaroi ai në mbledhje. /teve1.info
